కృష్ణ తత్త్వం - జీవ తత్త్వం. శ్రీ కృష్ణుని లీలలను , వాటి అంతరార్ధమును గుర్తించిన వాడు ధన్యుడు. ఆ అంతరార్ధములోని అర్థమును అమలు పరచినవాడు మహాత్ముడు. మన శరీరము రధమైతే్ ఇంద్రియాలు గుర్రాలు , బుద్ధి దాని సారథ. ఆ బుద్ధి కి అర్ఘ్యం పోసేది మనస్సు. కామ క్రోధ మద మోహ మాత్సర్యములన్న అరిశాద్వార్గాముల చే కప్పబడుతున్న మన మనస్సుని బుద్ధి అనే సారధి సత్యము వైపుకి తీసుకు వెళ్తుంద. అలాంటి పార్థసారధి గా వాసేకి ఎక్కిన మహా పురుషోత్తముడు - శ్రీ కృష్ణ భగవానుడు.
అంతటి మహాత్ముని చారిత్రమును అపార్ధము చేసుకుని ఆయనను కేవలం ఆడువారి వెంట తిరిగే దుష్టుడి లాగా చిత్రీకరిస్తున్నారు.అయిన అలాంటి దానికి చిహ్నం అవ్వటం మనమందరం సిగ్గు పడాల్సిన విషయం.
అసలు నిజంగానే కృష్ణుడికి అంత మంది భార్యలు , గోపికలు ఉన్నారా ? ఆ రాసలీలకు అంతరార్దమేమి?
నిజానికి భర్త అన్న మాటకు అర్ధం కేవలం "భరించే వాడు". మనం అనగా మన ఆత్మ. ఆ ఆత్మ పరమాత్మకు చెందినది . అది అయిన సొత్తు . కాని మనస్సు ఎల్లప్పుడూ మనల్ని - అనగా మన ఆత్మని - ఆ పరమాత్మ నించి దూరము చెయ్యుటకు ప్రయత్నిస్తుంది . ఇంద్రియ లాలస పుట్టించి , అసత్యాన్ని సత్యముగా సంతోషకరముగా చూపిస్తుంది . ఆ మాయ లో మునిగి మనం జీవిత చక్రం లో నలిగి పరమాత్మను పొందలేకపోతాము . కాని మనస్సు చుపించేవాన్ని అసత్యములు , అవి కేవలం ఇహం లో సుఖాన్ని ఇస్తాయి కాని పరము లో ఇవ్వవు అన్న సత్యాన్ని గ్రహించినవాడు పరమాత్మకు దగ్గర అవుతాడు. అనగా మన ఆత్మ కు యజమాని , భర్త - ఆ పరమాత్మ . పరమాత్మ కేవలం ఒకే భావనకి లొంగిపోతాడు - శరణాగతి . తనను నమ్ముకున్న వాడిని భరిస్తాడు పరమాత్మ . వారికి భర్త అవుతాడు . ఈ సత్యాన్ని తెలుసుకున్న వారు ఆ గోపికలు , అయిన భార్యలు . ఇది ఆ లీల అంతరార్థము.
సర్వం శ్రీ క్రిష్ణార్పనమస్తూ !
